Алматы Жылу электр орталықтарын газға ауыстыру жөніндегі Мемлекет басшысының тапсырмасына сәйкес, «QazaqGaz «ҰК» АҚ-ның еншілес компаниясы – «Интергаз Орталық Азия» ұйымы газ инфрақұрылымы құрылысының екінші кезеңін іске асыруды бастады. Осылайша, «Алматы-Байсерке-Талғар» газ құбырының екінші желісінің құрылысы басталды.
Алматы Жылу электр орталықтарын газға ауыстыру жөніндегі Мемлекет басшысының тапсырмасына сәйкес, «QazaqGaz «ҰК» АҚ-ның еншілес компаниясы – «Интергаз Орталық Азия» ұйымы газ инфрақұрылымы құрылысының екінші кезеңін іске асыруды бастады. Осылайша, «Алматы-Байсерке-Талғар» газ құбырының екінші желісінің құрылысы басталды.
Ұзындығы 62,4 км-ды құрайтын «Алматы-Байсерке-Талғар» Магистральды газ құбырының екінші желісі тұтынушыларға, 2-ші ЖЭО және 3-ші ЖЭО-на табиғи газдың үздіксіз жеткізілуін қамтамасыз етеді, сондай-ақ қолданыстағы газ құбырында штаттық жағдайлар орын алғанда қолдау болады.
Бұдан бөлек, аталған газ құбыры Алматы қаласын «Талғар» автоматтандырылған газ тарату станциясы арқылы толықтай газбен қамтамасыз етеді. Сондай-ақ, қолданыстағы газ тарату станцияларының жұмысын тоқтатпай, «Алматы-Байсерке-Талғар» магистральды газ құбырының бірінші желісіне күрделі жөндеу жұмыстарын жүргізуге мүмкіндік береді.
Естеріңізге сала кетейік, 16 қараша күні Алматы энергокешені үшін газ инфрақұрылымы құрылысының бірінші кезеңі аяқталған болатын. Осының аясында автоматтандырылған газ тарату станциясы және «Алматы-Байсерке-Талғар» және «Қазақстан-Қытай» магистральдық газ құбырларын біріктіретін ТІР-04 жалғастырғыш құбырлары іске қосылды.
Сондай-ақ, 2023 жылы «QazaqGaz «ҰК» АҚ өз қаражаты есебінен «Батыс Жылу кешені» автоматтандырылған газ тарату станциясындағы ақауларды жойды. Аталған станцияны 2016 жылы жеке мердігерлік ұйым жүргізген, сол күйі пайдалануға берілмеген.
АГТС-тың өнімділігі 140 000 м3/сағ құрайды, оның ішінде станцияның екі желісі – Алматы тұрғындарына сағатына 90 000 м3 және индустриялық аймаққа сағатына 50 000 м3 газ таратады.
2023-2024 жылдардағы жылыту маусымы кезеңінде Батыс жылу кешені (БЖК) автоматтандырылған газ тарату станциясы (АГТС) іске қосылған жағдайда қолданыстағы «Орбита» станциясына артылатын жүктеме көлемі азайтылады. Аталған «Орбита» АГТС Алматының өндірістік және коммуналдық ұйымдарының тұтынушыларын үздіксіз газбен қамтамасыз етіп келеді. Осылайша, БЖК АГТС арқылы табиғи газ Алматының батыс бөлігіне жеткізіледі. Бұдан басқа, БЖК АГТС іске қосылған уақытта Алматы қаласының индустриялық аймағын газбен қамту мүмкіндігі пайда болады.
Атап өтерлігі, Алматы ЖЭО жаңғырту жобасын «Самұрық-Энерго» АҚ жүзеге асыруда. QazaqGaz компаниясы газ инфрақұрылымын салумен айналысады. Аталған жоба – қаладағы және қала маңындағы елді мекендердегі ауаның ластануын азайту арқылы Алматы тұрғындарының өмір сапасын жақсартуға бағытталады, сондай-ақ энергия тапшылығын жоюға серпін береді.
