Астанада «Интергаз Орталық Азия» АҚ қызметкерлерінің Қазақстан Республикасы Сыбайлас жемқорлыққа қарсы іс-қимыл агенттігінің Превенция қызметінің сарапшысы Асан Айдархановпен кездесуі өтті, ол сыбайлас жемқорлыққа қарсы іс-қимыл жөніндегі заңнаманың ағымдағы талаптары туралы баяндама ұсынды.

Кездесу барысында қатысушылар сыбайлас жемқорлыққа қарсы күрес стратегиясының бірқатар мәселелерін талқылап, сыбайлас жемқорлық тәуекелдерін жою тетіктері мен әдістерін қарастырды. 

Алдын алу шараларының маңыздылығын ескере отырып, «Интергаз Орталық Азия» АҚ Комплаенс қызметі бірқатар комплаенс-саясатты енгізді: сыбайлас жемқорлыққа қарсы іс-қимыл, мүдделер қақтығысын реттеу және контрагенттердің сенімділігін тексеру. Қызметкерлерге осы саясаттың нормаларына оқыту іс-шаралары тұрақты негізде жүргізіледі, сондай-ақ бейінді сарапшылармен тақырыптық кездесулер өткізіледі.

Кездесу соңында «Интергаз Орталық Азия» АҚ басшылығы сарапшыға алғысын білдіріп, компания алдын алу жұмыстарын белсенді жүргізіп жатқанын және ұйым ішінде сыбайлас жемқорлыққа қарсы мәдениетті қалыптастыру үшін проактивті шараларға ерекше назар аудара отырып, сыбайлас жемқорлыққа қарсы күрес жөніндегі өзінің берік міндеттемесін растайтынын атап өтті.