2025 жылға арналған «Самұрық-Қазына» АҚ және «QazaqGaz» ҰК» АҚ өндірістік қауіпсіздік жөніндегі іс-шаралар жоспары шеңберінде «Интергаз Орталық Азия» АҚ өндірістік филиалдарының басшылары IOSH халықаралық аккредиттеуінен өткен «Өндірістік қауіпсіздік көшбасшысы» модульдік бағдарламасы бойынша оқудан өтті. Оқытуды «Samruk Business Academy» ЖМ ұйымдастырды.                                                                                                                            Оқытудың мақсаты - филиал басшыларында өндірістік қауіпсіздік мәдениетін қамтамасыз ету мен дамытудағы олардың негізгі рөлі туралы саналы түсінік қалыптастыру, сондай-ақ ұйымның барлық деңгейлерінде еңбек қауіпсіздігін тиімді басқару үшін қажетті көшбасшылық құзыреттерді дамыту.

            IOSH - Ұлыбританияның еңбекті қорғау және қауіпсіздік институты (Institution of Occupational Safety and Health), еңбек қауіпсіздігі және денсаулық сақтау саласындағы стандарттарды белгілейтін әлемдегі ең ірі ұйым. Ол еңбекті қорғау бойынша оқытуда әлемдік көшбасшы болып табылады және оның сертификаттары бүкіл әлемде танылады.