2025 жыл «Интергаз Орталық Азия» АҚ үшін газ тасымалдау жүйесінің тұрақты жұмысын қамтамасыз ету, стратегиялық маңызы бар жобаларды іске асыру және өндірістік, әлеуметтік әрі экологиялық бағыттарда жаңа жетістіктерге қол жеткізу кезеңі болды. «QazaqGaz» ұлттық компаниясының құрамына кіретін Қоғам негізгі өндірістік міндеттердің орындалуын қамтамасыз етіп, инфрақұрылымды жаңғырту жұмыстарын жалғастырды және өзі жұмыс істейтін өңірлердің дамуына үлес қосты.

Газ тасымалдау жүйесінің сенімділігі және өндірістік міндеттердің орындалуы

2025 жылы «Интергаз Орталық Азия» АҚ-ның газ тасымалдау жүйесі өзінің сенімділігі мен тұрақтылығын тағы бір мәрте дәлелдеді. Табиғи газ тасымалдау жоспары 100%-ға орындалып, негізгі өндірістік-экономикалық көрсеткіштерге қол жеткізілді.

Басым инфрақұрылымдық жобаларды іске асыруға ерекше назар аударылды. «Талдықорған – Үшарал» магистральдық газ құбыры мен алты автоматтандырылған газ тарату станциясының құрылысы белгіленген мерзімнен бұрын аяқталды.

Мемлекет басшысының тапсырмасы бойынша жүзеге асырылып жатқан бұл жоба өңір үшін маңызды әлеуметтік-экономикалық мәнге ие және халықтың табиғи газға қолжетімділігін кеңейтуге бағытталған.

Өндірістік инфрақұрылымды дамыту және еңбек жағдайларын жақсарту

Жұмысшы мамандықтары жылы компания қызметкерлердің әлеуметтік-тұрмыстық жағдайларын жақсарту бойынша жүйелі жұмыстарды жалғастырды. Жыл ішінде қолданыстағы нысандарда ауқымды жөндеу жұмыстары жүргізіліп, өндірістік және тұрмыстық инфрақұрылымның жаңа нысандары салынды.

«Интергаз Орталық Азия» АҚ-ның Жезқазған және Теміртау желілік-өндірістік басқармаларының қызметкерлері үшін жаңа вахталық кешендер салынды. Олардың құрамында әкімшілік ғимараттар, жатақханалар, спорттық және тұрмыстық бөлмелер қарастырылған. Бұл нысандар қызметкерлердің тұруы мен жұмыс істеуіне қолайлы жағдай жасауға мүмкіндік береді.

Заманауи кешендердің пайдалануға берілуі вахталық еңбек жағдайларын жетілдіру және қызметкерлер үшін қолайлы орта қалыптастыру жолындағы маңызды қадам болды.

Жылыту маусымына дайындық және транзиттік мүмкіндіктерді кеңейту

Жылыту маусымына уақтылы әрі кешенді дайындық газ тасымалдау жүйесінің күзгі-қысқы кезеңде тұрақты жұмыс істеуін қамтамасыз етті. Газбен жабдықтау штаттық режимде жүзеге асырылып, іркілістер тіркелген жоқ.

Сонымен қатар компания Өзбекстанға ресейлік газ транзитін қамтамасыз етуге бағытталған «Орта Азия – Орталық» газ тасымалдау жүйесінің өткізу қабілетін арттыру жобасын іске асыруды жалғастырды.

Жоба аясында ОАО-4 газ құбырындағы жұмыстар аяқталды. ОАО-4 және ОАО-5 лупингтерінде жөндеу жұмыстары жалғасты. Бұл іс-шаралар газ тасымалдау жүйесінің транзиттік әлеуетін дамытуға және оны пайдалану сенімділігін арттыруға ықпал етеді.

Кәсібилікті және ел экономикасына қосқан үлесті мойындау

2025 жылы «Интергаз Орталық Азия» АҚ «Қызмет көрсету саласындағы жылдың үздік салық төлеушісі» атағына ие болды. Бұл марапат компанияның салықтық міндеттемелерді жауапкершілікпен орындауының және ел экономикасының дамуына қосқан үлесінің мойындалуы болды.

Есепті жылы газ тасымалдау саласының тарихындағы маңызды мерейтойлар да атап өтілді: Орал желілік-өндірістік басқармасының құрылғанына 50 жыл және «Полторацкое» жерасты газ қоймасының пайдалануға берілгеніне 60 жыл толды. Бұл мерейтойлар Қазақстанның газ тасымалдау инфрақұрылымын дамытуға және оның сенімді пайдаланылуын қамтамасыз етуге үлес қосқан бірнеше буын мамандардың еңбегіне құрмет көрсетуге мүмкіндік берді.

Экологиялық жауапкершілік және өңірлердің дамуына қосқан үлес

Компания «Таза Қазақстан» экологиялық мәдениетті дамыту тұжырымдамасын іске асыруға белсенді қатысуды жалғастырды. Қатысу өңірлерінде 8 мыңнан астам жасыл желек отырғызылып, қоршаған ортаға ұқыпты қарауды қалыптастыруға бағытталған экологиялық және ағартушылық акциялар ұйымдастырылды.

Экологиялық бастамалар компанияның корпоративтік экологиялық мәдениетті дамыту және табиғи ресурстарды сақтауға деген жауапкершілікті арттыру жөніндегі жүйелі жұмысының бір бөлігіне айналды.

Жұмысшы мамандықтары жылы: кәсіби шеберлік пен командалық жетістіктер

2025 жылы кәсіби құзыреттерді дамытуға және жұмысшы мамандықтарының беделін арттыруға ерекше көңіл бөлінді. Дәстүрлі «Үздік маман» кәсіби шеберлік байқауы Қазақстан Республикасының Президенті Қасым-Жомарт Тоқаев жариялаған Жұмысшы мамандықтары жылы аясында өткізілді.

«Интергаз Орталық Азия» АҚ қызметкерлері жоғары дайындық деңгейін, кәсіби дағдыларын және өз ісіне деген адалдығын көрсетті. Байқау тәжірибе алмасуға, практикалық құзыреттерді жетілдіруге және корпоративтік дәстүрлерді нығайтуға арналған маңызды алаңға айналды.

Компания қызметкерлері спорт саласында да жоғары нәтижелерге қол жеткізді. «Интергаз Орталық Азия» құрамасы QazaqGaz жазғы спартакиадасының бас кубогын төртінші жыл қатарынан жеңіп алды. Бұл жеңіс ұжымның ауызбіршілігін, өзара қолдауын және мықты командалық рухын айқын көрсетті.

Болашаққа сенімді қадам

2025 жылдың қорытындылары газ тасымалдау жүйесінің тұрақтылығы, инфрақұрылымдық жобалардың табысты жүзеге асырылуы және өндірістік әлеуеттің дамуы ең алдымен ұжымның кәсібилігіне, жауапкершілігіне және үйлесімді жұмысына байланысты екенін дәлелдеді.

«Интергаз Орталық Азия» АҚ өндірістік инфрақұрылымды дамытуды, еңбек жағдайларын жетілдіруді, экологиялық жауапкершілікті нығайтуды және қызметкерлердің кәсіби әлеуетін арттыруды жүйелі түрде жалғастыруда.

Компания қол жеткізілген нәтижелерді одан әрі дамудың, жаңа жобаларды іске асырудың және Қазақстан Республикасының газ тасымалдау жүйесінің сенімділігін нығайтудың негізі ретінде қарастырып, болашаққа сеніммен қадам басуда.