Астанада «Интергаз Орталық Азия» АҚ ұйымдастыруымен газ саласындағы әйелдердің алғашқы «UMAI Gas» форумы өтті. Іс-шара энергетика секторында еңбек ететін әйелдердің басын қосып, саланы дамыту, кәсіби өсу және қазіргі энергетика саласындағы әйелдердің мүмкіндіктерін кеңейту мәселелерін талқылауға арналды.

Форумның негізгі тақырыптары көшбасшылық, кәсіби даму, цифрландыру және газ саласында жасанды интеллектіні қолдану болды. Қатысушылар өзара тәжірибе алмасып, заманауи технологияларды енгізу перспективаларын талқылады. Сонымен қатар кәсіби құзыреттерді дамыту, әйелдердің көшбасшылық әлеуетін қолдау және салалық ынтымақтастықты нығайтудың маңыздылығын атап өтті.

Форумның маңызды оқиғаларының бірі Атырау мұнай және газ университеті мен «QazaqGaz» ғылыми-техникалық орталығы» ЖШС арасында ынтымақтастық туралы меморандумға қол қою болды. Құжат адами капиталды дамытуға, білім беру ұйымдары мен өндіріс секторы арасындағы байланысты нығайтуға, сондай-ақ мұнай-газ және энергетика салаларына қажетті білікті мамандар даярлауға жағдай жасауға бағытталған.

Форум бағдарламасында «АЛЖИР» мемориалды-музейлік кешеніне бару ерекше орын алды. Кешен тарихымен танысу ел тарихының күрделі кезеңдерінде табандылық пен рух күшін танытқан әйелдердің рухына тағзым етуге және олардың мұрасының келер ұрпақ үшін маңызын тереңірек түсінуге мүмкіндік берді.

«UMAI Gas» газ саласындағы әйелдердің алғашқы форумын өткізу кәсіби диалогты дамыту, әріптестік байланыстарды нығайту және энергетика секторындағы әйелдердің әлеуетін ашуға бағытталған бастамаларды ілгерілету жолындағы маңызды қадам болды.

Ұйымдастырушылар форумға белсенді қатысып, кәсіби үлес қосқан және Қазақстанның газ саласын бірлесіп дамытуға ұмтылған барлық қатысушылар мен серіктестерге алғыс білдіреді.