Ұлттық газ операторы «Цифрлық Қазақстан» мемлекеттік бағдарламасы шеңберінде газ саласында блокчейн-технологияларды енгізуді қолға алды.

Цифрлық технологиялар бірінші кезекте мониторинг жүргізу, сервистік қызмет көрсету және газ тасымалдау инфрақұрылымын жөндеу және газ есептеуіштерін бақылау үшін пайдаланылатын болады. Бұл қалай болады?

Әдетте блокчейн электрондық ақшаны пайдаланумен ғана байланыстырылады, ал шын мәнінде, бұл - қызметтің барлық салаларында іс жүзінде қолдануға болатын IT- шешім.

Блокчейн бұл бұзудан жақсы қорғалған және таратып бөлінген деректер базасы. Онда сақталатын барлық ақпарат көптеген электрондық-есептеуіш жүйелеріне таратылған және ол жылдам жұмысты қамтамасыз етумен қатар бұзулардан да сенімді қорғайды.

Газ саласы үшін бұл өте өзекті. Мысалы, газ құбырларына қызмет көрсету мен жөндеуді бақылауды анағұрлым оңтайландырады, оларды пайдаланған кезде қауіпсіздік деңгейін бірнеше мәрте ұлғайтады және ресурстарды жоғалтуды қысқартады. Кез келген сәтте газ магистральдарын қауіпсіз пайдалану мерзімдері туралы ақпаратты көруге, соңғы жүргізілген жөндеу жұмыстары туралы уақыттағы белгілер бойынша деректер алуға болады. Сондай-ақ, платформа деректері бойынша жөндеу жұмыстарын кім жүргізді және инспекциялады, қашан келесі техникалық қызмет көрсетуге уақыт келетіндігін бірден көруге болады.

Газ есептеуіштерін бақылау жүйесінде блокчейн-технология әрбір тұтынушы үшін жеке «Есептеуіштің цифрлық паспортын» құруға мүмкіндік береді. Бұл газдандыруға рұқсат беретін құжаттарды алудан бастап бақылау және оны пломбалау аспабын орнатқанға дейінгі қадамдардың барлық тізбесін көру мүмкіндігін береді. Одан әрі жүйе газдың текше метрін нақты пайдалану үшін осы транзакциялардың деректері мен сандарды өзгерту мүмкіндігін толықтай жояды. Сонымен бірге, бұзылу және пломбалауды қолдан жасау, есептеуіштің нөмірін өзгерту мүмкін болмайды.