9 мамыр – біздің еліміздегі ең маңызды мерекелердің бірі, елімізге жеңіс әкелген Ұлы күн. Соғыс ардагерлері мен тыл еңбеккерлерінің ерлігі – батылдық, табандылық, қайсарлық, қазақстанның өскелең ұрпағы үшін өміршеңдік символы болып табылады.  Жылдар өткен сайын асқан қаһармандықтың салмағы еселене түсуде әрі осы Ұлы Жеңісті жадымызда сақтау әрбір азаматтың ардақты борышы.

Ұлы Отан соғысындағы Ұлы Жеңіс күні мерекесін тойлау қарсаңында «ҚазТрансГаз» АҚ  «Жеңіс» әлеуметтік жобасын іске асыру аясында «ҚазМұнайГаз» ҰК АҚ-ның компаниялар тобында өткізілетін «Сіздер біздерге бейбітшілік сыйладыңыздар»  атты қайырымдылық акциясына қатысты.

Ұлы Отан соғысы ардагерлеріне және тыл еңбеккерлеріне салтанатты түрде құрмет көрсетуге Жастар кеңесі  белсенді түрде атсалысты.

Салтанатты шара кезінде ардагерлер ерлік туралы, жауынгерлік наградаларымен, достық және өзара түсіністік, бір-біріне қиын қыстау кезінде қолдау көрсету туралы әрі ұзақ күткен Ұлы Жеңіс туралы әсерлі естеліктерімен бөлісті.

Ардагерлерге гүлдер, құттықтау хаттар, атаулы материалдық көмек көрсетілді. Жыл сайын ардагерлердің сиреп бара жатқандығын түсіну ауыр тиюде, оларға көңіл бөліп, қолдау көрсету бұл – біз үшін оларға көрсетілуі тиіс ерекше құрметтің бір бөлігі ғана.

Құрметті, ардагерлер, тыл еңбеккерлері! Сіздердің қайсарлықтарыңыз бен ерліктеріңіз үшін, бізге сыйлаған бейбіт өмір үшін Сіздерге басымызды иеміз! Ерлер есімі – ел есінде мәңгілік сақталады.