Ағымдағы жылдың 7-8 тамызында Орал қаласында, компанияның 95 қызметкерлерінің қатысуымен, «Жастар инновациясы – Қазақстан Республикасының газ саласын әлеуетті дамыту» тақырыбы бойынша («ҚазТрансГаз» АҚ құрамына кіретін) «Интергаз Орталық Азия» АҚ-ның екінші жастар слеті өтті.

Слеттің бірінші күні «Интергаз Орталық Азия» АҚ-ның Жастар кеңесімен құрылған салтанатты тұсаукесермен басталды. Бүгінгі күні оның саны 2 395 қызметкерді құрайды. Кеңестің негізгі мақсаттары компанияның бірыңғай жастар саясатын қалыптастыру және жүзеге асыру, жас мамандарды тарту, олардың сәтті әрі тиімді шыңдалуы үшін жағдай жасау, олардың кәсіби әлеуетін дамыту болып табылады.

Әрі қарай слет бағдарламасына сәйкес алдын ала іріктеу турына түскен 65 баяндаманың арасынан беделді сарапшылар комиссиясы 15 баяндаманы іріктеп алып, тыңдады. Әр қатысушы газды тасымалдау, энергия үнемдеу, робототехника, автоматтандыру және цифрландыру, сондай-ақ газ саласындағы әлеуметтік және басқа өзекті міндеттерді шешу бойынша жобалары мен авторлық идеяларын ұсынды.

Комиссия компания үшін әзірлеменің өзектілігін, жаңашылдығын, маңыздылығын, ұсынылған шешімдерді енгізу болашағын, күтілетін экономикалық және әлеуметтік ықпалын ескере отырып үздік жобаны анықтады.

Ол «Газ құбырларын пайдалану кезінде бақылауды бұзбайтын заманауи әдістерді тиімді қолдау» тақырыбы бойынша Орал қаласындағы «Инженерлік-техникалық орталық» филиалының жас маманы Александр Самарцевтың жобасы болды. «Газ тасымалдау саласында SMART технологияларын енгізу» тақырыбы бойынша жобасымен Тараз қаласының жас маманы Азамат Төркенбаев көрермендердің көзайымына лайықты болды.

Инновациялық жобалар «ҚазТрансГаз» АҚ-ның ғылыми-техникалық кеңесіне ұсынылады. Ол қарап, талдап, мақұлдаған жағдайда нақты өндірістік қызметке тәжірибелік енгізу жөнінде ұсыныс беруі мүмкін.

«Интергаз Орталық Азия» АҚ-ның Бас директорының Бірінші орынбасары Мұхатай Шаңбатыров: қоғамның экономикалық дамуына қарай инновация, автоматтандыру және цифрландырудың маңызы одан сайын артып, қазіргі уақытта бәсекеге қабілеттіліктің маңызды құралына айналып келе жатқанын атап өтті. Бұл тақырыптың маңыздылығын Президент Н.Назарбаев Қазақстан халқына Жолдауында айтқан. Барлық қатысушылар белсенділік танытып, әркімнің қабілеті қажетке жарап, ортақ нәтижеге қол жеткізуге көмектесетіндей бір командада жұмыс істей алатындарын көрсетті.

Компанияның жас мамандарының атынан сөйлеген Уәлихан Кымбатов: «Мен газ саласында жұмыс істегеніме қуанамын. Мен өз компанияммен мақтанамын және оның дамуына үлес қоса алатыным үшін, сондай-ақ өз еңбегім арқылы Қоғам мен Отаныма пайдам тиетіні үшін мақтанамын!»-деді. Ол сондай-ақ мұндай слеттердің пайдалы екенін, іске жұмыла кірісуде жауаптылықты қалыптастыратынын, компанияның жетістігін қамтамасыз ететін маңызды шарттардың бір екенін атап өтті.

Анықтама ретінде: «Интергаз Орталық Азия» АҚ 1997 жылы шілде айында құрылған. Компания газ тасымалдау жүйесін басқаруды және магистральдық газ құбырларына техникалық қызмет көрсетуді жүзеге асырады және («ҚазМұнайГаз» ҰК АҚ құрамына кіреді) «ҚазТрансГаз" АҚ компания тобының құрамына кіреді.

«ҚазТрансГаз» АҚ отандық, сондай-ақ шетелдік газ нарығында мемлекеттің мүддесін отандық газ нарығында, сондай-ақ шетелдік газ нарығында да білдіретін Қазақстан Республикасының негізгі газ энергетикалық және газ тасымалдау компаниясы болып табылады. Компания магистарльдық газ құбырлары мен газ тарату желілері бойынша тауарлық газды тасымалдау жөніндегі орталықтандырылған инфрақұрылымды басқарады, халықаралық тарнзитті қамтамасыз етеді, ішкі және сыртқы нарықтарда газ сатумен айналысады, құбырлар мен газ сақтау қоймаларын әзірлейді, қаржыландырады, салады және пайдаланады.