13-26 қыркүйек аралығында Маңғыстау облысында "Окарем-Бейнеу" магистральдық газ құбырына жоспарлы күрделі жөндеу жүргізілуде.

Құбырішілік диагностика нәтижелері бойынша анықталған аса күрделі ақаулары бар құбырлар ауыстыруға жатады. Жұмыс орнында жөндеу бригадалары жұмылдырылып, 100 құбыр мен барлық қажетті материалдар жеткізілді.

МГҚ жұмысын тоқтату кезеңінде Маңғыстау облысының тұтынушыларын газбен қамтамасыз ету Түрікменстан Республикасы тарапынан «Бегдаш» өлшеу торабы арқылы өзара алмасу жолымен толық көлемде жүзеге асырылатын болады.

МГҚ жоспарлы тоқтату магистральдық газ құбырлары, компрессорлық станциялар және ЖАГҚ объектілерінде негізгі және қосалқы жабдықтарды жоспарлы күрделі жөндеу шеңберінде жыл сайын өтеді. Жоспарлы тоқтату мен жұмыс кестесі бейінді Министрлікпен, Әкімдікпен және тұтынушылармен алдын ала келісілді. «ҚазТрансГаз» Ұлттық операторы белсенді инвестициялық саясатты жүргізеді және отандық магистральдық газ құбырлары желісін жөндеу және жаңғырту жөніндегі шаралар кешенін тұрақты негізде жүзеге асырады. Бұл тұтынушыларды үздіксіз газбен жабдықтауды, халықаралық транзитті қамтамасыз етуге және құбыр жүйесінің қолда бар активтерін неғұрлым тиімді пайдалануға мүмкіндік береді.