«Интергаз Орталық Азия» АҚ, Алматы қаласының Алмалы, Әуезов және Бостандық аудандары тұрғындарының үйлер мен пәтерлердегі газдың иісіне қатысты шағымдарына орай, 2022 жылғы 16 қаңтарда ауа температурасының Цельсий бойынша плюс 15 градусқа дейін аномальді көтерілуіне байланысты газ тығыздығының артуы орын алғанын және тиісінше оның шығыны азайғанын, бұл ретте одоризациялау қысқы режим деңгейінде қалғанын хабарлайды.

Сәйкес келтіру үшін газдың шығу қысымы 2,3 кгс/см2 дейін төмендетілді, сондай-ақ қолмен жазғы режимге ауыстырумен одоризациялау нормасы төмендетілді. Сонымен қатар, Авариялық қызметтің көшпелі бригадалары азаматтардың өмірі мен денсаулығына қауіп төндіретін ағып кетулерді анықтаған жоқ.

Қазіргі уақытта одоризациялау автоматты режимге ауыстырылды және автоматты газ тарату станциясы штаттық режимде жұмыс істейді. Одоризациялау торабының жұмысы күнделікті тексеріледі. Тұтынушылар тарапынан шағымдар түскен жоқ.

Айта кету керек, газды одоризациялау – бұл арнайы құрылғыларсыз оның ағып кетуін анықтау үшін табиғи газға тән иіс беру процесі. Одорант 1000 м3 табиғи газға 16 грамм мөлшерінде қосылады және бұл пропорция физиологиялық зиянсыз, яғни адам денсаулығына қауіп төндірмейді.