6-8 сәуір аралығында Атырауда 19-шы Солтүстік Каспий өңірлік көрмесі мен «АТЫРАУ МҰНАЙ ЖӘНЕ ГАЗ 2022» конференциясы өтеді. Іс-шара мұнай-газ индустриясының кәсіби мамандарының басын қосып, салада қолданылатын үрдістер мен инновацияларды қадағалауға көмектеседі. Көрмеге Қазақстан, Беларусь, Ресей, Түркия, Нидерланды және АҚШ-тан 60-тан астам компания қатысады.

Көрмеде «QazaqGaz» Ұлттық компаниясы мен еліміздің газ тасымалдау саласын «Интергаз Орталық Азия» АҚ «Инженерлік-техникалық орталық» филиалы ұсынбақ.

1996 жылы құрылған Инженерлік-техникалық орталық жоғары білікті мамандары мен инновациялық жабдығы бар және мұнай-газ кешені үшін диагностикалық қызметтердің толық спектрін орындайтын бірегей мамандандырылған сараптама ұйымы болып табылады.

Инженерлік-техникалық орталықтың жоғары білікті мамандары Қазақстан Республикасының, Ресей Федерациясының және Еуропаның үздік оқу орталықтарында оқытудан және аттестациядан өтті.

Ең заманауи жабдықтардың толық ассортиментінен басқа, Инженерлік-техникалық орталықта сапаны бақылау, коррозиядан электрхимиялық қорғау және т. б. бойынша жылжымалы зертханалардың базасы бар.

Бұдан басқа, инженерлік-техникалық орталықта стандарттау жөніндегі ұлттық, сондай-ақ халықаралық ұйымдардың мыңнан астам стандарттары бар қор пайдаланылады. Сондай-ақ, орталықтың қауіпті өндірістік объектілерде орнатылған жабдықтардың техникалық диагностикасы бойынша жұмыстарды орындауға арналған барлық қажетті рұқсат беру құжаттары бар.

Инженерлік-техникалық орталықтың бас инженері Арман Демесіновтің айтуынша, орталықтың қарамағындағы озық жабдықтар жұмысты аз персоналмен және аз шығынмен орындауға мүмкіндік береді.

Инженерлік-техникалық орталық жұмысының негізгі принциптері жаңа технологияларды қолдану, технологиялық процестің барынша қауіпсіздігін, сенімділігін, үнемділігі мен мен жетілуін қамтамасыз ететін қазіргі заманғы құрылғыларды, механизмдер мен жабдықтарды енгізу болып табылады.